13 Августа 2017

Неделя 10-я по Пятидесятнице

1-е послание к коринфянам апостола Павла

Глава 4

9 Мню бо, яко Бог ны посланники последния яви, яко насмертники: зане позор быхом миру и ангелом и человеком.
10 Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни.
11 До нынешняго часа и алчем, и жаждем, и наготуем, и страждем, и скитаемся,
12 и труждаемся, делающе своими руками. Укоряеми, благословляем: гоними, терпим:
13 хулими, утешаемся: якоже отреби миру быхом, всем попрание доселе.
14 Не срамляя вас сия пишу, но якоже чада моя возлюбленная наказую.
15 Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих.
16 Молю же вас: подобни мне бывайте, якоже аз Христу.

Евангелие от Матфея

Глава 17

14 И пришедшым им к народу, приступи к нему человек, кланяяся ему
15 и глаголя: Господи, помилуй сына моего, яко на новы месяцы беснуется и зле страждет: множицею бо падает во огнь и множицею в воду:
16 и приведох его ко учеником твоим, и не возмогоша его исцелити.
17 Отвещав же Иисус рече: о, роде неверный и развращенный, доколе буду с вами? доколе терплю вам? приведите ми его семо.
18 И запрети ему Иисус, и изыде из него бес: и исцеле отрок от часа того.
19 Тогда приступльше ученицы ко Иисусу на едине, реша: почто мы не возмогохом изгнати его?
20 Иисус же рече им: за неверствие ваше: аминь бо глаголю вам: аще имате веру яко зерно горушно, речете горе сей: прейди отсюду тамо, и прейдет: и ничтоже невозможно будет вам:
21 сей же род не исходит, токмо молитвою и постом.
22 Живущым же им в галилеи, рече им Иисус: предан имать быти Сын Человеческий в руце человеком,
23 и убиют его, и в третий день востанет. И скорбни быша зело.

Запись опубликована в рубрике Uncategorized. Добавьте в закладки постоянную ссылку.

Добавить комментарий

Ваш адрес email не будет опубликован. Обязательные поля помечены *